“Легендарлуу парламенттин” депутаты, мамлекеттик жана коомдук ишмер Бегиш Аматов 75 жаш курагында көз жумду. Бул тууралуу Жогорку Кеңештин басма сөз кызматы билдирди.
Бегиш Аматов 1949-жылы Ош облусунун Алай районуна караштуу Көңдүк айылында туулган. 1966-жылы зооветеринардык техникумду аяктап, андан соң 1971-жылы Кыргыз айыл чарба институтун бүтүргөн.
Эмгек жолун 1971-жылы Алай совхозунда зоотехник болуп иштөөдөн баштаган. 1974-1976-жылдары Ленин совхозунда башкы зоотехник, 1976-1981-жылдары Социализм совхозунун директору болуп эмгектенген. 1981-1983-жылдары Алматы шаарындагы жогорку партиялык мектептен билим алып, 1983-1990-жылдары Базар-Коргон районунун 2-секретары болуп кызмат кылган.
Бегиш Аматов коомдук-саясий иштерге жигердүү аралашып, 1990-1994-жылдары эл арасында “Легендарлуу парламент” деп аталган Кыргыз ССР Жогорку Советинин XII чакырылышынын депутаты болгон. 1991-жылдын 31-августунда алгачкылардан болуп, Кыргызстандын көз карандысыздыгы жөнүндө декларацияны кабыл алуу демилгесин көтөргөндөрдүн бири.
Кыргызстандагы 2005-2010-жылдардагы элдик талкундоолор жана андан кийинки Конституциялык реформалар тууралуу пикирин ачык билдирип келген
Украин кризисин чечүү үчүн “Тынчтыктын достору” платформасы түзүлөт
Кытай, Бразилия жана Глобалдык Түштүктүн башка мамлекеттери Украинадагы кризисти тынчтык жолу менен чечүүгө көмөктөшүү үчүн “Тынчтыктын достору” деген платформаны түзүшөт. Бул тууралуу Нью-Йоркто Кытайдын тышкы иштер министри Ван И билдирди. “Кытай, Бразилия жана алар менен бирдей көз караштагы өнөктөштөрү Украина кризисин чечүү үчүн “Тынчтыктын достору” деген платформаны түзүшөт”,-деген Ван И […]
