Россиянын тышкы иштер министри Сергей Лавров 2023-жылдагы орус дипломатиясынын жыйынтыгы боюнча маалымат жыйынын өткөрдү. Анда Россиянын “жакын чөйрөсүнө” кирген өлкөлөр БАЭ, Түркия, Иран, Катар жана Сауд Арабия экенин атады.
«Эгер биз жакын чөйрөбүз жөнүндө сөз кыла турган болсок, анда булар Жакынкы Чыгыштын өлкөлөрү – Иран, Түркия, Сауд Арабиясы, Бириккен Араб Эмираттары жана Катар»,-деди Лавров. Мындан тышкары Россиянын Кытай менен болгон мамилесине токтолуп, көп кылымдык тарыхындагы эң жакшы мезгилди башынан өткөрүп жатканын айтты. Министрдин айтымында Индия менен да өзгөчө артыкчылыктуу, стратегиялык кызматташтык өнүгүп жатат.
