Кечээ башкы прокурордук кызматынан алынган Курманкул Зулушев Кыргызстандын Орусиядагы толук жана ыйгарым укуктуу элчиси болушу мүмкүн.
Мындай маалымат коомчулуктун талкуусуна айланды. Элчи Гүлнара Клара-Самат 27-май күнү бул кызматтан кеткен эле. Бирок, анын кетүү себеби айтылган эмес. Учурда коомчулук Курманкул Зулушев боюнча оң жана терс пикирлерин билдирип жатышат. Маданият өкүлдөрү аны таза, чыныгы мекенчил, кесипкөй катары баалашса, айрым саясатчылар прокуратура тармагында башаламандыкты жаратып, негизсиз кылмыш иштерди козгогонун билдиришүүдө.
Ишкерлерди жана инвесторлорду колдоо күчөтүлдү
Президент мыйзам бузган ишкерлерге Кылмыш-жаза процессуалдык кодексинде каралган бөгөт коюунун альтернативдүү чараларын – электрондук байкоо жүргүзүү, күрөө, үй камагын колдонууну сунуштады. Бул демилге ишкерлерди камакка алуу түрүндөгү бөгөт коюу чарасын негизсиз колдонуудан коргоо үчүн көтөрүлүп жатат. Мындай маалыматты президенттин басма сөз кызматы билдирди. Садыр Жапаров ошондой эле ишкерлердин жана инвесторлордун […]
