Сентябрдан тарта Кыргызстанда дарыгерлердин айлыгы 50%га көтөрүлөт. Бул тууралуу саламаттык сактоо министринин биринчи орун басары Медербек Исмаилов билдирди.
Анын айтымында, медайымдардын маянасы 20%, кенже медициналык кызматкерлердин айлыгы 10% жогорулайт.
Белгиленгендей, учурда бул маселе боюнча президенттин жарлыгы даярдалып жатат.
Путин Түндүк Корея жана Вьетнамдын президенттерине телеграмма жолдоду
Россиянын президенти Владимир Путин Түндүк Кореянын лидери Ким Чен Ынга жана Вьетнамдын президенти То Ламга телеграмма жөнөттү. Ал экөөнө тең өткөн аптада жасаган жеке сапарлар учурунда көрсөткөн меймандостугу үчүн ыраазычылык билдирди. Түндүк Кореянын лидерине жазылган телеграммада «Бул мамлекеттик сапар Москва менен Пхеньяндын ортосундагы мамилелерди камтыган стратегиялык өнөктөштүктүн мурда болуп көрбөгөндөй […]
