Президенттин “Ынтымак-Ордо” администрациясында Кыргызстандын министрлер кабинети менен “Кытай-Кыргызстан-Өзбекстан” темир жолу компаниясы” жоопкерчилиги чектелген коомунун ортосунда инвестициялык макулдашууга кол коюу аземи болду.
Инвестициялык макулдашууга министрлер кабинети тарабынан – транспорт жана коммуникациялар министри Абсаттар Сыргабаев, ал эми инвестор тараптан – “Кытай–Кыргызстан–Өзбекстан” темир жолу компаниясы” ЖЧКсынын директорлор кеңешинин төрагасы Чжун Шэнгуй кол койду.
Анда сөз сүйлөгөн министрлер кабинетинин төрагасынын орун басары — муу ресурстары, айыл чарба жана кайра иштетүү өнөр жайы министри Бакыт Төрөбаев, бул маанилүү “Кытай-Кыргызстан-Өзбекстан” темир жолун долбоорлоо, куруу, каржылоо, эксплуатациялоо жана техникалык тейлөө боюнча инвестициялык макулдашууга кол коюлуп жаташы сүйлөшүүлөр процессинин узак жана татаал мезгилинен аймактык жана эл аралык мааниси терең масштабдагы инфраструктуралык долбоорду ишке ашыруунун практикалык планына өтүп жатканын билдирди.
“Бардыгыңыздарды бүгүн кол коюлган инвестициялык макулдашуу боюнча биргелешкен ишиңиздердин ийгиликтүү аякташы менен куттуктайм. Биздин мамлекеттердин жетекчилеринин колдоосу жана чечкиндүүлүгү болбосо маселенин мындай ийгиликтүү илгерилеши мүмкүн эмес эле. Жетекчилерибиздин ар тараптуу колдоосу менен гана бүгүн биз бул долбоордун фундаменталдык документтеринин бирине кол коюуга мүмкүнчүлүк алдык”, — деди минкаб төрагасынын орун басары Бакыт Төрөбаев.
Ал эми Кытай жана Өзбекстан тараптан, Кытайдын Кыргызстандагы убактылуу ишенимдүү өкүлү Ли Баоцзе жана Өзбекстан Кыргызстандагы элчиси Саидикрам Иязходжаев баштаган делегация мүчөлөрү катышты.
Иш-чарага катышкандар, “Кытай-Кыргызстан–Өзбекстан” темир жолун куруу — бул долбоорго катышкан өлкөлөрдүн транспорттук инфраструктурасын өнүктүрүү стратегиясынын маанилүү элементи экенин жана өлкөлөргө социалдык-экономикалык натыйжаны гана алып келбестен, региондор аралык байланыштарды чыңдаарын билдиришти.
Белгилей кетсек, үстүбүздөгү жылдын 27-декабрында “Кытай – Кыргызстан – Өзбекстан” темир жолунун курулушун баштоого старт берилет.
Рождестводогу жарманкеде авто унаа элди сүздү: Бир адам көз жумса, 68и жаракат алды
Германиянын Саксония-Анхальт федералдык аймагынын борбору Магдебург шаарында унаа Рождестводогу жарманкедеги элди сүзүп кетти. Окуя 20-декабрда, кечинде болду. 240 миң калкы бар бул шаардагы борбордук аянтта жайгашкан жарманкеге жүздөгөн адамдар чогулган. Унаа жогорку ылдамдыкта элдин арасына сүзүп кирип, 50 метр аралыкты басып өткөн. Адамдар унаанын астында калган, кээ бирөөлөр ордунан туруп […]
