Кытайдын Одессадагы башкы консулдугунун дубалдарынын бир бөлүгү жана терезеси жарылуунун толкунунан жапа чекти. Жабыркагандар жок.
Кытайдын Тышкы иштер министрлиги сайтында билдирүү таратты. Анда “Кытайдын Одессадагы башкы консулдугунун жанында жардыруу болуп,анын толкунунан дубалдардын бир бөлүгү, башкы консулдуктун терезелери талкаланган”,-деп жазылган. Маалыматка ылайык, Кытай тарап окуяларга көңүл буруп, тиешелүү тараптар менен кызматташууну улантууда. Украинадагы кытай мекемелеринин жана кызматкерлеринин коопсуздугун камсыз кылуу үчүн бардык зарыл чаралар көрүлүп жатат.
