Жогорку Кеңештин депутаты Эмил Жамгырчиев Кыргыз цирктин айланасындагы ызы-чууга аткаруу бийлигинин көңүлүн буруп, чечим кабыл алууну суранды. “Мага цирктин кызматкерлери кайрылып жатышат. Ал жерге дайындалган жетекчи зөөкүр экен, жамаатты кемсинтип, өз айранын чалып атыптыр. Массалык маалымат каражаттары деле жазып жатышат. Циркке таандык айбандарга болгон мамилесин өзүңөр билесиңер”, – деди.
Атыр Абдрахматованын кызматтан эмне үчүн кеткени айтылды
“Ата-Журт Кыргызстан” фракциясынын төрагасы Бакыт Сыдыков Акыйкатчы Атыр Абдрахматованын мөөнөтүнөн мурда кызмат ордунан бошотулушуна комментарий берди. “7 айдан бери акыйкатчынын орун басары дайындалган эмес. Акыйкатчы институту иштебейт дешип, 30дай киши митингге чыгышты. Жамааттын 60 пайызы акыйкатчыны кетирип бергиле деп суранып жатышат. Мына ушунун баары негиз болду”,- деп билдирди. Ал эми […]
