Кыргызстандык футзал калысы Нурдин Букаев Гиннес рекорддор китебине кирди. Бул тууралуу Кыргыз футбол союзу билдирди.
Маалыматка ылайык, футзал боюнча дүйнө чемпионаттарында тейлеген оюндарынын саны боюнча рекорд койгон. Азырынча мындай көрсөткүчкө жеткен алгачкы рефери болуп саналат.
Анын эсебинде Бразилия-2008, Таиланд-2012, Колумбия-2016 жана Литва-2021 чемпионаттары бар. Гиннес сертификаты 21-ноябрда тапшырылат.
Эске салсак, кыргызстандык адис карьерасын 1996-жылы баштап, 2006-жылы эл аралык категориядагы арбитр болгон. Бүгүнкү күндө Букуев Кыргыз футбол союзунун баш катчысы болуп эмгектенет. Даңк медалынын ээси.
