Бүгүн, 24-августта Чек ара кызматы саат 12:00гө карата кыргыз-казак чек ара өткөрмө бекеттеринде кезекте турган жүк ташуучу автоунаалар жөнүндө маалымат таратты.
Маалымдалгандай, “Ак-Тилек” бекетинде Казакстанга өтө албай турган машинелердин саны 379, “Чалдыбарда” 73, “Кең-Булуңда” 89, “Чоң-Капкада” 73.
Чек ара кызматы кыргыз тараптагы өткөрмө бекеттер күнүмдүк тартипте иштеп жатканын кошумчалады.
Белгилей кетсек, «Ак-Тилек” өткөрмө бекетинде 20-августтан бери жүк ташуучу автоунаалардын узун кезеги пайда болду. Анда айдоочуларга жардам көрсөтүү үчүн чатырлар тигилген.
