Кыргызстандын футбол боюнча улуттук курамасы 2023-жылкы Азия Кубогунун “F” тайпадагы старттык Таиландка каршы оюнунда ак түстөгү формада ойнойт. Бул тууралуу Кыргыз футбол союзунан билдиришти.
“Таиланд-Кыргызстан” оюну бүгүн, 16-январда “Абдулла бин Халифа” стадионунда өтөт. Беттеш жергиликтүү убакыт боюнча саат 17:30да, Бишкек убактысы боюнча саат 20:30да башталат.
“Ак шумкарларга” күйөрмандык кылам дегендер үчүн Бишкектеги “Азия Молл” (3-кабат) жана “Дордой Плаза” (1-кабат) соода борборлорунда атайын фан-зоналар уюштурулат.
Азия Кубогу үстүбүздөгү жылдын 12-январынан 10-февралына чейинки аралыкта Катардагы 9 стадионунда өтөт.
