Кыргызстандын түштүгүндө жер титиреди
Кыргызстандын түштүгүндө түндө саат 02:53тө очогунда күчү 3,5 баллга жеткен жер титирөө катталды.
Сейсмология институтунун маалыматына ылайык, жер титирөөнүн очогу Фергана тоо кыркаларында Байбиче айылынан 15 чакырым чыгышта, Жалал-Абад шаарынан 100 чакырым түштүк-чыгышта, Ош шаарынан 120 чакырым түндүктө жайгашкан.
Жердин силкинүүсү Кыргызстандын Байбиче, Кара-Дөбө айылдарында 2,5 баллга чейин сезилген.
Шольц жана Зеленский Германияда жолугат
Германиянын канцлери Олаф Шольц жана Владимир Зеленский бүгүн, 6-сентябрда, Франкфурт шаарында жеке жолугушуу өткөрүшөт. Зеленский ошондой эле Франкфурттан түштүк-батыш тарапта жайгашкан Рамштайн авиабазасында өтө турган Украинаны колдогон мамлекеттердин жолугушуусуна катышат. Жолугушууну АКШнын коргоо министри Ллойд Остин өткөрөт. Маалыматтарга караганда, Украинанын президентинин бул иш-чарага катышуусу жер-жерлердеги кырдаалдын олуттуулугун баса белгилөөгө багытталган. […]
