2024-жылдын январь-октябрь айларынын ичинде ички дүң продукциянын (ИДП) көлөмү 1 триллиондон ашты. Бул тууралуу Улуттук статистика комитетинин басма сөз кызматы билдирди.
Маалыматка ылайык, бул 2023-жылдын ушул айларына салыштырганда быйылкы өсүш 9,6% болгон. Статком ИДПнын өсүшүн мындай чечмелейт: өсүш товардык өндүрүштүн, тейлөө, кызмат көрсөтүү тармагынын жана азык-түлүккө салынган салыктардын эсебинен болуп жатат. Өткөн жылдын он айына салыштырмалуу быйыл товардык өндүрүш 10,8%, тейлөө, кызмат көрсөтүүлөр 8,3%, ал эми азык-түлүктөргө салынган таза салыктар 11,3 %га өскөн.
Мындан тышкары, курулушта 1,6%, өнөр жайында 0,7% өсүш болсо, ал эми айыл чарбасында тескерисинче, 1,0% өсүш кыскарган.
2023-жылы биринчи жолу ИДП көлөмү ноябрь айынын аягында 1 триллиондон ашканы айтылган. Быйылкы жылы октябрь айынын аягында ИДП 1 триллиондон ашканын Улуттук статком кабарлады.
Мирзиёев: Өзбекстан палестиналык балдар менен аялдарды акысыз дарылоого даяр
Өзбекстандын президенти Шавкат Мирзиёев согуштан жабыркаган палестиналык балдар менен аялдарга Өзбекстандын клиникаларында акысыз дарылоо кызматын көрсөтүүгө даяр экенин билдирди. Бул тууралуу мамлекет башчысы 11-ноябрда Сауд Арабиянын Эр-Рияд шаарында өткөн араб-ислам саммитинде сүйлөп жатып билдирди. «Социалдык инфраструктура объектилери, мектептер, оорукана, мечиттер, бүтүндөй шаарлар кыйрап, миллиондогон карапайым калк баш паанексиз калып, ачарчылыктан […]
