Кыргызстандын кикбоксинг боюнча улуттук курама командасынын мүчөсү Аброр Хакимов бүткүл Дүйнөлүк оюндарда алтын медаль утту. Бул тууралуу Дене тарбия жана спорт департаменти билдирди.
Маалыматка ылайык, Сауд Аравиянын Эр-Рияд шаарында өтүп жаткан мелдеште кыргызстандык спортчу 71 кг чейинки салмакта катышкан. Алтын медаль үчүн беттеште франциялык мушкерди жеңип, 1-орунду ээледи.
Эске салсак, бүткүл Дүйнөлүк оюндар 20-октябрда башталып бүгүн, 30-октябрда жыйынтыкталат. Кыргызстандын улуттук курама командасы каратэ, самбо, жиу-житсу, грэпплинг, казак күрөшү, “Алыш” белбоо күрөшү жана кикбоксинг боюнча катышты.