Кыргызстандык реп аткаруучу Ислам Закиров Орусиянын Тергөө комитети тарабынан кармалып, ага улут аралык кастыкты козуткан деген күнөө коюлду.
Ноябрь айында “Кубок МЦ” деп аталган рэп аткаруучулар таймашкан аянтчанын Ютуб каналында Тажикстандык репчи Шерафган Шарипов жана Кыргызстандык Ислам Закировдун айтышы жарыяланган.
Анда Закиров “кош бойлуу орус аялдарын ура турганын” кошуп ырдаган.
Шарипов таймаш маалында Электросталь шаарында былтыркы болуп өткөн окуяны жамактап ырдаган. Анда чачын жашылга боёгон өспүрүмдүн баш терисин сыйрып кетишкен окуя айтылат.
Көп өтпөй рэпчилердин бул сөздөрү Телеграм баракчыларына жарыялана баштайт.
Азиялык мигранттарга каршы делген “Многонационал” Телеграм-каналынын катталуучулары Тергөө комитетине даттанышкан.
Натыйжада, тергөө комитети 2 рэп аткаруучусуна да каршы кылмыш ишин козголгонун билдирди.
