Кыргызстанда 1-июлдан тарта патенттин негизинде соода жүргүзүү токтотулат. Бул тууралуу Мамлекеттик салык кызматынан билдиришти.
Маалыматка ылайык, ошол күнгө чейин патенттин негизинде соода кылган ишкерлер салык салуунун башка ылайыктуу режимдерине өтүшү керек
Тактап айтканда, ишкерлер төмөнкү салык режимдерин тандай алышат:
жалпы салык режими (салыктар колдонуудагы салык мыйзамдарына жана жалпы негиздердеги ставкаларга ылайык төлөнөт);
бирдиктүү салык салуунун жөнөкөйлөтүлгөн системасы. Салыктын ставкалары жылдык кирешенин көлөмү 15 млн сомго чейин болсо 0%, ал эми 30млн сомго чейин – 0,5% жана 50 млн сомго чейин – 1% түзөт.
Ошондой эле базарлар жана кичи базарлар үчүн бирдиктүү салыктын ставкасы кирешелер акыркы 12 айда 100 млн сомдон ашпаса анда 0,1% ды түзөт.
Бирдиктүү салыктын негизинде иштегендер (стратегиялык объекттерге кирген базарлардан сырткары) контролдук-кассалык машинаны (ККМ) пайдаланууга жана камсыздандыруу төгүмдөрүн төлөө боюнча талаптарды, ошондой эле бир катар башка милдеттенмелерди аткарууга милдеттүү.
Белгилей кетсек, стратегиялык объекттерге кирген СБКнын базарлары “Дордой” жана “Тураталы эл базары” (“Кара-Суу”) өзгөчө салык режимине өтүүгө милдеттүү.
Кошумча маалыматты жергиликтүү салык органдарынан, базар администрациясындан, 116 номери аркылуу же www.sti.gov.kg сайтынан алууга болот.
Тез жардам унааларына коюлган жазалар жөнгө салынабы?
Жогорку Кеңештин депутаттары тез жардам унааларына жаза жазылып жаткан жагдайга токтолушуп, тийиштүү мекемелерге протоколдук тапшырма беришти. Бул тууралуу парламенттин бүгүн, 28-февралдагы жалпы жыйында айтылды. Белгилүү болгондой, акылдуу шаар алкагында айрым район жана шаарларда кээ бир тез жардам унааларынын жазалары 100 миң сомдон ашкан. Депутат Марлен Маматалиев маселе Санариптик өнүктүрүү министрлигинде […]
