2024-жылдын январь-сентябрь айларында чакан ишканаларды эсепке албаганда бир кызматкердин орточо айлык акысы 35 миң 791 сомду түздү. Бул тууралуу Экономика жана коммерция министрлигинин материалында айтылат.
Документтеги маалыматка ылайык, бул көрсөткүч 2023-жылдын тийиштүү мезгилине салыштырмалуу 11,8%га өскөн, ал эми реалдуу эмгек акынын өлчөмү керектөө бааларынын индексин эске алганда 6,7%га өскөн.
2024-жылдын январь-сентябрь айларында 2023-жылдын январь-сентябрына салыштырганда орточо айлык акынын жогорулоо темпинин өсүшү экономикалык ишмердүүлүктүн бардык түрлөрүндөгү ишканаларда жана уюмдарда байкалган.
Негизинен эмгек акы дүң жана чекене соода, унааларды жана мотоцикл оңдоо тармагында 30,3%, курулушта 27,2%, башка кызмат көрсөтүү тармактарында 26,4%, кыймылсыз мүлк операцияларында 23,3%, суу менен камсыздоо, тазалоо, калдыктарды иштетүү жана кайра иштетүү чөйрөсүндө 22,7%, кесиптик, илиймий жана техникалык ишмердүүлүк жаатында 22%, кен байлыктарды казуу тармагында 21,8%, финансылык ортомчулук жана камсыздандыруу – 21,6%, транспорттук ишмердүүлүк жана жүктөрдү сактоо – 15,8%, административдик жана көмөкчү иш – 14,4%га, ошондой эле кайра иштетүү өнөр жайларында (өндүрүш өнөр жайы) – 12,8%га өскөн.
Түркия БРИКСке өнөктөш болуу сунушун алды
Түркия БРИКСке өнөктөш өлкө болуу сунушун алды. Бул тууралуу өлкөнүн соода министри Өмер Болат билдирди. Болат уюмга кошулуу республикага чоң пайда алып келерин, бул Түркияга бардык маанилүү дүйнөлүк платформалар менен кызматташууга мүмкүнчүлүк берерин кошумчалады. БРИКС — 2006-жылы Россия, Кытай, Индия жана Бразилия тарабынан түзүлгөн мамлекеттер аралык бирикме болуп саналат. Ага […]
