27 жаштагы америкалык блогер жана мушкер Жейк Пол 58 жаштагы абсолюттук дүйнө чемпиону Майк Тайсонду беттеште жеңип алды.
Беттеш Арлингтон шаарында (Техас, АКШ) бокс кечинде өтүп, 8 раундга созулду. Жыйынтыгында Жейк Пол бир добуштан 79-73 эсебинде жеңүүчү деп табылды.
Эске салсак, 58 жаштагы америкалык Майк Тайсон, лакап аты “Темир Майк” мурдагы абсолюттук дүйнөнүн оор салмактагы чемпиону. Анын профессионалдык рекорду 50 жеңиш, алты жеңилүү, дагы эки беттеш жараксыз деп табылган. Тайсон акыркы беттешин 2005-жылдын 11-июнунда өткөргөн.
27 жаштагы америкалык Джейк Пол популярдуу блогер, YouTube долбоорлорун жетектейт жана профессионал мушкер. Анын профессионалдык рекорду 10 жеңиш жана бир жеңилүү. Пол биринчи беттешин 2020-жылдын 30-январында өткөргөн.