Чүй облусунда жогорку мамлекеттик кызмат адамдарынын атын жамынып, өзгөчө ири өлчөмдөгү алдамчылык менен шугулданган жарандар кармалышты. Бул тууралуу Чүй ОИИБден билдиришти.
Маалыматка ылайык, 29-апрелде Аламүдүн РИИБге 1990-жылы туулган жаран 2 жаранга чара көрүп берүүнү суранып, арыз менен кайрылган. Бул жарандар 2023-жылдын март айында Бишкек шаарынын түштүк тарабында жайгашкан Аламүдүн районунун Таш-Дөбө айыл өкмөтүнө тиешелүү айыл чарба багытындагы жер тилкесин көрсөтүп, ал жерге көп кабаттуу үй курууга макулдашкан. Андан соң, ошол эле жылдын апрель айында экөө жогорку мамлекеттик кызмат адамдарынын атын жамынып, бул жер тилкесине тиешелүү документтерди бүтүрүүгө жардам берем деп, арыз ээсинин анын кымбат баалуу унааларына ишеним кат жаздырып алышкан. Бирок бул жер тилкесинин документтери бүткөрүлбөстөн, алдоо жолу менен ири өлчөмдөгү акчаны алып, изин жашырышкан.
Бул факты Аламүдүн РИИБге катталып, Кылмыш-жаза кодексинин 209-беренеси (алдамчылык) боюнча кылмыш иши козголгон. Б.С. жана А.А. аттуу жарандардын алдамчылык кылмыш аракеттери менен С.М. жана Д.М. аттуу жарандарга жалпы 41 277 310 сомдук материалдык зыян келтирилген. Жүргүзүлгөн ыкчам-иликтөө иш-чараларынын жүрүшүндө, Чүй облусунун милиция кызматкерлери тарабынан 1992-жылы туулган А.А. жана 1967-жылы туулган Б.С. аныкталып, убактылуу кармоочу жайына киргизилди.
Аптанасаат: Адамдагы беш каниет
Беш каниет — Адам беш нерседен мурда беш нерсени каниет деп билүүсү зарыл. Алар: 1-чи каниет, – Өмүрдөн мурда тирүүлүгүңдү; 2-чи каниет, – Сыркоолугуңдан мурда саламаттыгыңды; 3-чү каниет, – Иштен мурда бош убактыңды; 4-чү каниет, – Карылыгыңдан мурда жаштыгыңды; 5-чи каниет, – Жакырдыгыңдан мурда байлыгыңды. Элибизде бактылуу адам бузукулуктан, чыгымчылдыктан […]
