Архитектура жана курулуш боюнча мамлекеттик агенттикти Курулуш министрлиги кылып өзгөртүү боюнча парламентте сунуш айтылды. Бул тууралуу Жогорку Кеңештин депутаты Айбек Осмонов парламенттин бүгүнкү жалпы жыйынында билдирди.
Эл өкүлү “Мына кошуна мамлекеттерде Курулуш министрлиги бар. Бизде болсо, агенттик боюнча калып кетти. Бюджети да көп. Ушуну министрлик кылуу боюнча сунуш киргизем”,- деди.
Депутаттын сунушуна Акылбек Жапаров жооп берип, “бизде министрликтер дале болсо көп. Бирок, көп бюджет бөлүп, жаш кадр алып бардык. Жакшы иштер болуп атса, ойлонуп көрсөк болот. Арийне, бизден чоң мамлекеттер деле аз министрликтер менен иштейт”,- деди.
Айбек Осмонов бюджеттеги өнүгүүнү белгилеп, муну министрлер кабинетинин эмгеги деп баалады.
