Бүгүн, 21-декабрда III Элдик курултай иши уланууда. Жарыш сөзгө чыккан Жети-Өгүз районунан келген делегат Гүлайым Сейитказиева делегаттар мамлекеттин өнүгүшүнө башка тарабынан жардамдашышы керектигин билдирди.
Ал “ Биз делегаттар эгер өзүбүздүн идеологиялык иштерди жасай албасак, курултай же ушул майда-барат маселени чече албаган Жогорку Кеңеш таркаш керек”, -деп айтты.
“Жогорку Кеңеш, айыл өкмөттөр, акимчилик жана министрликтер чече турган маселелерди эки күндөн бери курултайдын делегаттары келип айтып отурабыз. Курултайдын шайланган делегаттары 1,2 күн менен чектелип калбай, кийинки курултайдын шайлоосуна чейин делегаттардын эл алдындагы милдеттери үчүн кызмат кылуусун туура деп эсептейм. Бирок, биздин багытыбыз башка, элдин духун, рухун көтөрүү багытында иш алып баруубуз зарыл”, – деди Гүлайым Сейитказиева.
Ошондой эле делегат сөзүнүн акырында курултайдын катышуучуларына кайрылып: “ал-күчкө толгон жаштарды жибергендин ордуна, бул жерде ак сакалдар келип отурасыңар. Бүркүттөй болгон балдарыңарды “тооканага” камап жатасыңар”, – деди.
Бишкек көчөлөрүн кардан тазалоо боюнча аткаминерлерге жаза берилди
Бишкектин көчөлөрүн кардан тазалоо иштерин тийиштүү деңгээлде аткарбаган жооптуу жетекчилер тартиптик жазага тартылды. Бул тууралуу мэриядан билдиришти. Маалыматка ылайык, калаа башчысы Айбек Жунушалиев карды тазалоого жооптуу шаардык кызматтардын ишинин жыйынтыгы боюнча тиешелүү чараларды көрдү. Тийиштүү көзөмөл жүргүзбөгөндүгү жана ишти сапатсыз уюштургандыгы үчүн мэрдин орун басары Рамиз Алиев, Октябрь районунун акими […]
