Украинанын президенти Владимир Зеленский Россиянын Курск облусунда 11 миңге жакын Түндүк Кореянын аскери бар экенин билдирди.
“Украинанын чалгындоо кызматынан Түндүк Кореянын аскерлеринин Россия аймагында жүргөнү тууралуу билдирүү келген. Алардын саны Курск облусунда 11 миңге жетти. Биз алардын саны өсүп жатканын байкап жатабыз. Тилекке каршы, биздин союздаштардан эч кандай реакция көргөн жокпуз”,-деди Зеленский расмий Telegram-каналында.
Пентагондо бул аскерлер согуштук аракеттерге катышып жатканы тууралуу маалымат жок экенин белгилешти.
Пентагондун өкүлү генерал-майор Патрик Райдер дүйшөмбү күнү АКШ учурда Россиянын Курск облусунда 10 миңден кем эмес Түндүк Кореянын аскерлери бар деп эсептей турганын тастыктады. Бирок алар согуштук аракеттерге катышып жатканын тактоо мүмкүн болбой жатканын билдирди.
Оппозиция президенттик шайлоонун жыйынтыгына каршы чыкты
Молдовада оппозициялык “Жеңиш” блогунун Телеграм каналында учурдагы президент Майя Санду Европадагы шайлоо участокторундагы бурмалоолор жана массалык мыйзам бузуулар аркылуу гана Александр Стояноглону жеңип чыккандыгы айтылат. Оппозиция өкүлдөрү чет өлкөлөрдөгү добуш берүү участокторунда шарттар бирдей болбогондугун баса белгилешти. Бул адилетсиздикти мыйзам деңгээлинде чечүү зарыл экени айтылды. Молдовада мамлекет башчысын шайлоонун экинчи […]
