Президент Садыр Жапаров “КР Укук бузуулар жөнүндө кодексине өзгөртүүлөрдү киргизүү тууралуу” КР мыйзамына кол койду.
Мыйзам 2024-жылдын 2-октябрында Жогорку Кеңеш тарабынан кабыл алынган.
Мыйзамдын максаты – жумуш берүүчү жана кооптуу өндүрүш объекттерин пайдалануучу уюмдар тарабынан кызматкердин алдындагы жоопкерчиликти камсыздандыруу боюнча милдеттерди аткарбагандыгы үчүн жоопкерчиликти киргизүү болуп эсептелет.
Кабыл алынган мыйзам менен КР Укук бузуулар жөнүндө кодекси 871, 2741-беренелери менен толукталууда, аларга ылайык “Эмгектик (кызматтык) милдеттерин аткарууда кызматкердин өмүрүнө жана ден-соолугуна зыян келгендиги үчүн жумуш берүүчүнүн жарандык жоопкерчилигин милдеттүү камсыздандыруу жөнүндө” КР мыйзамынын талаптарын бузуу же аткарбоо, ошондой эле “Кооптуу өндүрүш объекттерин пайдалануучу уюмдардын жарандык жоопкерчилигин милдеттүү камсыздандыруу жөнүндө” КР мыйзамынын талаптарын бузуу же аткарбоо үчүн жеке жактарга 30 эсептик көрсөткүч, юридикалык жактарга 130 эсептик көрсөткүч өлчөмүндө айып пул салууга алып келээри каралган.
«Сапат» окуу жайлардын ичинен биринчилерден болуп өзүнүн талисманын жарыялады
«Сапат» эл аралык билим берүү мекемеси Кыргызстандагы окуу жайлардын ичинен биринчилерден болуп өзүнүн талисманын(маскот) жарыялады. Бул тууралуу аталган билим берүү мекемесинен кабарлашты. Маалыматка ылайык, билим берүү мекемеси өзүнүн талисманын даярдоодо ак илбирс же барсты өрнөк алган. Тактап айтканда, билимдүүлүктү, акылдуулукту жана инсандык лидерликти символдоштурган Snowy кыргыз табиятынын күчүн, эркиндикти жана […]
