Жумага караган түнү Россиянын Коргоо министрлигинин билдирүүсүнө ылайык, Россиянын үч аймагы жана Крымга 100дөн ашуун учкучсуз учактар чабуул койду.
Билдирүүгө ылайык, Крымдын аймагында 51 камикадзе учкучсуз учак, Краснодар чөлкөмүндө 44 учкучсуз учак, Белгород облусунда алты жана Курск шаарынын үстүндө бир учкучсуз учак жок кылынган.
Аба чабуулунун сигналы саат 7:00дөн кийин гана токтогон. Коомдук транспортторго тыюу салынып, шаар тургундарынан үйдөн чыкпоону суранышкан.
Краснодар чөлкөмүндө мунай иштетүүчү ишканаларга кол салышты. Окуяга күбө болгондор дрондун кулап түшкөнүн жана заводдун аймагындагы өрттү видеого тартып алышкан.
Мектептердеги жана бала бакчалардагы сабактар электр жарыгынын үзгүлтүккө учурашынан улам токтотулган.
Белгородго жакын жайгашкан Октябрьский айылында аял төрт жашар уулу менен көз жумду. Губернатордун айтымында дрон айдоочу жана үч жүргүнчү болгон унаага кол салган.
Украин тарап бул боюнча расмий комментарий бере элек.
«Тазалык» кызматкерлерди ишке чакырат
«Тазалык» муниципалдык ишканасы жооптуу кызматкерлерди өз командасына чакырат. Муниципалитеттен билдиришкендей, ишканага жүктөөчүлөр жана айдоочулар керек. Айлык жумушуна жараша эсептелет жана орточо 35 000 – 45 000 сомду түзөт. Иштөө убактысы 7 саат. «Бардык суроолор боюнча: Ростовская көчөсү, 19Б дарегине жана 0502 020 003 номерин кайрылсаңыздар болот», — деп айтылат маалыматта. […]
