Саудиялык “Аль-Наср” клубунун португалиялык чабуулчусу Криштиану Роналду футболчунун карьерасын аяктоо мөөнөтү тууралуу суроого жооп берди.
“Бүткөндөй сезилгенде мен кетем… Балким 10 жылдан кийин?!” – деген сөздөрүн чет элдик спорт басылмалары жазып чыкты.
Сауд Аравиянын Про-Лигасынын учурдагы сезонунда 38 жаштагы Криштиану Роналду 18 матч өткөрүп, анда 20 гол киргизип, 9 голго пас берген. Ал ошондой эле Араб чемпиондорунун клубдар кубогунда үч оюн жана төрт гол киргизген.
Эске сала кетсек, Криштиану Роналду Сауд Аравиянын “Аль-Наср” клубунда 2023-жылдын январынан бери ойноп келет. Анын клуб менен келишими 2025-жылга чейин түзүлгөн.
