Жогорку Кеңештин депутаты Эрулан Кокулов Билим берүү министринин иш бөлмөсүнө сүзүп барып, министрдин жыйналышын үзгүлтүккө учуратканы коомчулуктун кыжырын кайнатты. Мындан улам 2 күндөн бери кызуу талкуу жүрүп, айрымдары анын мандатын чакыртып алууну сунуштады. Ал эми кээ бир жарандар Жогорку Кеңеш аталган депутаттын тартибин, жүрүм-турумун карап чыгышы керек деп эсептейт.
Министр менен депутаттын кайым айтышкан видеосу кечээ тарады. Анда министр Каныбек Иманалиев депутат Эрулан Кокуловго “кийип келген кийимиңизди караңыз, көчөдө жүргөндөй келип алыпсыз”,- деп уяткарып жатканын көрүүгө болот.
