Бишкекте КМШ саммитинин өтүшүнө байланыштуу 12-октябрда эртең мененден тарта кечки саат 00.00гө чейин электр самокаттары ижарага берилбейт. Бул тууралуу Бишкек мэриясынан билдиришти.
Маалыматка ылайык, бул иш-чараларды Биринчи май районунун акиминин милдетин аткаруучу Райым Жолдошов, №12 МТУ, “Arenda Service”, “Togo.kg”, “Apricot”, “E-motion”, “Promo Express”, ” Sunrent” электр самокат ээлери талкуулашты.
Мындан улам, шаарда самокат тепкендерге тыюу салынат.
Эскерте кетсек, 12-13-октябрда КМШ мамлекет башчыларынын Бишкек шаарында жана Чүй облусунда боло турган жолугушууларында унаалардын кыймылына убактылуу чектөөлөр киргизилет.
