Минск шаарында КМШ өлкөлөрүнүн II оюндары салтанаттуу аяктады. Оюнга спорттун 20 түрүнөн 22 мамлекет катышты. Кыргызстандын курама командасы спорттун 17 түрүнөн ат салышып, 200дөн ашык спортчу барган.
Кыргыз делегациясы бир алтын, сегиз күмүш, 18 коло медаль уткан. Жалгыз башкы байгени кыз-келиндер күрөшү боюнча Нурзат Нуртаева багындырды.
Натыйжада Кыргызстан 27 медаль менен жетинчи орунду ээледи. Тажикстан сегизинчи орунга илинген.
Алдыңкы үчтүккө Россия – 288 медаль, Беларусь (236) жана Өзбекстан (106) менен чыккан.
