Украина НАТОго кирүү үчүн да өз аймактарын сатпайт. Бул тууралуу өлкөнүн тышкы иштер министринин орун басары Евгений Перебейнис билдирди.
«Украина өз аймактарын эч нерсеге алмаштырбайт. Мен НАТОдон да, биздин башка батыш өнөктөштөрүбүздөн да Украинага башка кадамдардын ордуна территориясын берүү боюнча расмий сунуштар болбогонун ырастай алам»,-деп кошумчалады расмий өкүл.
Буга чейин НАТОнун баш катчысынын кеңсесинин башчысы Стиан Йенссен Киевди аймактардын бир бөлүгүн берүү менен блокко мүчөлүккө алуу мүмкүн болгон чечимдердин бири катары атаган жана бул Москва менен жаңжалды токтотууга алып келиши мүмкүн экенин баса белгилеген.
Эске сала кетсек, Украина НАТОго арызын бир жыл мурда берген. Россия Федерациясы буга жооп кылып, Украинанын альянска мүчө болушу Россия үчүн коркунуч жаратат, бирок Киевдин коопсуздугун арттырбайт деп билдирген.
Айыл чарбасы тууралуу кызыктуу фактылар
66 жылдын ичинде дүйнө айыл чарбасынын эффективдүүлүгү 2,5 эсе өстү. Дыйкандар азыр 1950-жылдагыга караганда азык-түлүктү 262 процентке көбүрөөк иштеп чыгарышат. Мындан 10 жыл мурун 1 америкалык фермер 144 адамды тамак-аш менен камсыз кылган. 1940-жылы орточо америкалык фермер 19 башка адамды гана бага алган. Дүйнөдө ар бир бешинчи адам мал чарбачылыгында […]
