Украинанын бийликтери Киевдеги «Родина-мать» монументинин калканындагы советтик гербди демонтаждоону баштады. Бардык жумуштарды 24-август, Украинанын Эгемендүүлүк күнүнө карата бүтүрүү пландалганын жергиликтүү маалымат каражаттары жазып чыгышты.
Социалдык тармактарда адистердин ишин чагылдырган видеолор тарады. Калкандын өзүнөн жана айкелдин пайдубалынан бир нече зымдар тартылган. Кыязы, советтик символдордун элементтери түшүрүлөт.
Монтаждоо иштери 92 метр бийиктикте жүргүзүлүшү керек . Бул үчүн жагымдуу аба ырайынын шарттары абдан маанилүү. Монумент өтө чоң болгондуктан, демонтаждоо бир нече этап менен ишке ашат. Иш мамлекеттик бюджеттен эмес, меценаттардын эсебинен жүргүзүлүп жатканы айтылууда.
