Келерки аптада кыргызстандыктар төрт күн катары менен эс алат. Эмгек, социалдык камсыздоо жана миграция министрлиги билдиргендей, беш күндүк график менен иштеген жарандар 7-ноябрдан 10-ноябрга чейин эс алышат.
7-8-ноябрь – Тарых жана ата-бабаларды эскерүү күнү болгондуктан, эс алуу күнү болуп саналат. Аталган күндөр төртүнчү жана бешинчи күнгө туура келет. Андан кийин эки дем алыш күнү бар. Ошентип кыргызстандыктар 4 күн катары менен эс алат.
2-ноябрга карата аба ырайы
Кыргызгидромет борборунун маалыматына караганда, 2-ноябрда түнкүсүн жаан-чачын болбойт. Эртең менен жана түшкө чейин Ош, Жалал-Абад, Нарын облустарынын айрым жерлеринде жаан, тоолуу райондордо кар жаашы күтүлөт. Калган аймактарда жаан-чачын болбойт. Бийик тоолуу аймактардагы жолдо тайгак болот. Батыштан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн +3…+8, күндүз […]
