Жогорку Кеңеш каржы пирамидасын уюштургандарга чара көрүү боюнча мыйзам долбоорун үчүнчү окууда кабыл алды. Бул тууралуу парламенттин басма сөз кызматы билдирди.
Маалыматка ылайык, жыйында Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрагасы Сүйүнбек Өмүрзаков баяндама жасады.
“Мыйзамга ылайык, каржы пирамидасын жарнамалагандарга 1500дөн 2000 эсептик көрсөткүчтөргө чейинки айып пул салуу жана 3 жылдан 5 жылга чейин эркинен ажыратуу жаза чаралары колдонулат”, – деп айтылат маалыматта.
Тиешелүү мыйзам долбоорун Жогорку Кеңештин депутаттары Шаирбек Ташиев менен Айбек Маткеримов демилгелеген. Документ “Каржы пирамидаларын уюштуруу” маселесин жөнгө салуу максатында иштелип чыккан.
