Улуттук банк бүгүн, 20-августтан тарта «Тарыхый окуялар» сериясындагы «Кара-Кыргыз автономиялуу облусуна – 100 жыл» күмүш коллекциялык тыйынын жүгүртүүгө чыгарды.
«Кара-Кыргыз автономиялуу облусуна – 100 жыл» монетасынын алдыңкы бетинде негизги элемент катары Ала-Тоо тоолорун чагылдырган «100» деген сан, улуттук оймо-чийме жана чексиздик белгиси, ошондой эле «жыл» деген жазуу түшүрүлгөн. Монетанын төмөн жагында Кыргыз Республикасынын улуттук символу – ак илбирстин сүрөтү, ошондой эле монетанын номиналы «10 сом» чагылдырылган. Монетанын жогору жагында Ала-Тоо тоолору түшүрүлгөн. Монетаны тегерете «Кара-Кыргыз автономиялуу облусу/Кара-Кыргызской автономной области – 100 лет» деген жазуу жайгашкан. Ал эми тыйындын арткы бетинде Ала-Тоо тоолорунда кездешкен гүлдөрдү чагылдырган оймо-чиймелердин так ортосунда Кыргыз Республикасынын герби жайгашкан.
Монетанын өзгөчөлүктөрү:
Аталышы – Кара-Кыргыз автономиялуу облусуна – 100 жыл
Номиналы – 10 сом
Металлы (сапат белгиси) – Ag 925
Кошумча технология – түстүү басма
Диаметри (мм) – 38,61
Салмагы (г) – 28,28
Сапаты – Proof
Нускасы (даана) – 1000
Белгиленгендей, «Кара-Кыргыз автономиялуу облусуна – 100 жыл» монетасы Кыргыз Республикасынын аймагында расмий төлөм каражаты статусуна ээ. Ар бир коллекциялык монета акрил капсулага салынып, сапат сертификаты менен бирге өзүнчө кутучага жайгаштырылган.
Грек жаңгагынын пайдалуу касиеттери
Грек жаңгагы – балкан жана түштүк-батыш Азиядан келген жаңгак тукумундагы дарактардын мөмөсү болуп саналат. Ал аш болумдуу жана тамак жасоодо кеңири колдонулган жегенге жарамдуу дандары менен белгилүү. Жаңгактын пайдалуу касиеттери: 1. Азыктуулук баалуулугу: Жаңгак белок, клетчатка, витаминдерге (өзгөчө Е жана В витаминдерине) жана магний, фосфор жана цинк сыяктуу минералдарга бай. […]
