Кыргыз футбол союзунун президенттигине Улуттук коопсуздук мамлекеттик комитетинин (УКМК) төрагасы Камчыбек Ташиевдин талапкерлиги көрсөтүлдү.
Аталган уюмдун маалыматына караганда, шайлоо комитетинин жыйыны болуп, Кыргыз футбол союзунун президенти, биринчи вице-президенти, вице-президенти жана Аткаруу комитетинин мүчөлүгүнө талапкерлердин баштапкы тизмеси каралып, бекитилди. Президенттикке Камчыбек Ташиев жалгыз талапкер болду. Аны «Талант» футбол клубу сунуштады.
Кыргызстандын футбол боюнча улуттук курама командасынын Катарда өтүп жаткан Азия кубогундагы ийгиликсиз оюнунан кийин 29-январда Футбол уюмунун президенти Медербек Сыдыков жана аткаруу комитети кызматтан кеткен.
Эске салсак, 19-февраль күнү «Novotel» отелинин жыйындар залында КФСтин 2024-жылкы Кезексиз Конгресси орун алып, анын жүрүшүндө жетекчиликтин жаңы курамы шайланат.
Путин Россиянын НАТОго кирүү маселесин көтөргөнүн эске салды
Владимир Путин америкалык журналист Такер Карлсон менен болгон маегинде Россиянын 2000-жылы НАТОго кирүү мүмкүнчүлүгү тууралуу маселени көтөргөнүн айтты. Орус президентинин америкалык журналист менен болгон маеги Такер Карлсондун сайтында жарыяланды. «Бул жерде, Кремлде, бийликтен кетип жаткан Билл Клинтон менен жолугушууда – так ушул жерде, анын жанында, кийинки бөлмөдө – мен ага […]
