УКМКнын төрагасы Камчыбек Ташиев абактагы шартка нааразы болгон саясатчыларга жооп берди. Бул тууралуу ал Жумгал районунун Чаек айылында УКМКнын жаңы имаратынын ачылышында билдирди.
Ташиев түрмөнүн шартарына чыдабаган адам мыйзам бузбашы керек экендигин белгилеп “Талашып-тартышкан саясатчылар, колунан эч нерсе келбестен тили менен буудай куургандар, мамлекетти тоноп алып дагы бир ызы-чуу кылам дегендердин баарына мыйзам чегинде жаза беришибиз керек. Жакшы сөзгө түшүнбөгөндөр бар. Кээ бири азыр «түрмөдө бизди катуу кармап жатат» деп жатышат. Түрмө пансионат эмес. Түрмө деген түрмө. Ал ошол үчүн курулган. Ошого чыдабайбы мыйзам бузбасын. Түрмөнүн шартарына макул эмеспи, анда мамлекеттин тынчтыгына залал келтирбесин”, — деди ал.
