Улуттук коопсуздук мамлекеттик комитеттин төрагасы Камчыбек Ташиев «Социал-демократтар» партиясынын абактагы лидери Темирлан Султанбеков боюнча суроого жооп берди.
Жогорку Кеңештин жыйынында депутат Сеид Атамбаев мурдагы депутат Ирина Карамушкина жана Темирлан Султанбеков абакта начар шартта кармалып турганын айткан. Ошондой эле бийлик Темирлан Султанбековго эрегишпей, кандайдыр бир консенсуска келүүсү туура болорун билдирген.
Камчыбек Ташиев Темирлан Султанбеков душман эместигин, бирок мыйзам бузгандар жооп бериши шарт экенин айтты.
«Жаза аткаруу кызматы абактагы сиз айтып жаткан адамдар кандай шартта кармалып турганын азыр эле барып көрсөтүшсүн. Сиз өзүңүз барып көрбөй туруп, укканыңызды гана айтып жатасыз. Кармушкина, Султанбеков же башка жаран бизге душман эмес, алар мыйзам бузду, жооп бериши керек. Кандай артыкчылыктары болсо да мыйзам алдында жооп бериши керек. Жаш бала болсо, эрегишпесек, жаш баладай алып жүрсүн өзүн, ал мамлекетти башкарууну каалап атат, чоңойсун» , — деди Камчыбек Ташиев.
Белгилей кетсек, «Социал-демократтар» партиясынын лидери Темирлан Султанбеков жана партиянын Бишкектеги шайлоо штабынын башчысы Ирина Карамушкина, партиянын тарапташы Роза Түрксевер 14-ноябрда камакка алынган.
Аларга Кылмыш-жаза кодексинин 196- беренесинин 1-бөлүгүнө (шайлоочулардын добуштарын сатып алуу) ылайык кылмыш иши козголгон. Темирлан Султанбеков кармалгандан бери ачкачылык кармоодо.
Караколдогу эл аралык аэропорт ачылды
Каракол шаарындагы эл аралык аэропорт салтанатуу түрдө ачылды. Аба майдандын ачылыш аземине президент Садыр Жапаров, облус жетекчиси Уланбек Далиев, Жогорку Кеңештин депутаттары, Президенттин иш башкармалыгынын башчысы Каныбек Туманбаев жана жергиликтүү тургундар катышты. Иш-чарада Садыр Жапаров союз тарагандан кийин аэропорттор иштебей калып, ички каттамдар токтогонун белгиледи. “Каракол” эл аралык аэропорту бир […]
