Казакстан Роскосмоско караштуу Байконурда иштеген Жер үстүндөгү космостук инфраструктураны пайдалануу борборунун мүлкүн камакка алып, андан 13,5 миллиард теңге (26,3 миллион доллар) өлчөмүндөгү карызды өндүрүп алууну көздөөдө. Компаниянын жетекчисине өлкөдөн чыгууга тыюу салынды.
Бул Россиянын Байконурдан чыгып кетишине алып келиши мүмкүн жана “Союз-5” ракетасы үчүн жаңы учуруу аянтчасын курууну жайлатат.
Россия Казакстандан ижарага алган Байконур комплекси Байконур шаарынан жана ушул эле аталыштагы космодромдон турат. Шаарда 76,5 миңден ашуун адам жашайт, алардын дээрлик 60 пайызы Казакстандын жарандары, 37 пайызга жакыны орустар. Байконур администрациясынын башчысы эки өлкөнүн президенттеринин жарлыгы менен дайындалат.
18-мартта Кыргызстан боюнча ишембилик өтөт
Өлкө аймактарында 18-мартта жалпы ишембилик өткөрүлөт. Бул тууралуу президенттин маалымат кызматы билдирди. Маалыматка ылайык, ишембилик социалдык инфраструктураны, санитардык абалды жакшыртуу, шаарлардын жана калктуу конуштардын аймактарын көрктөндүрүү максатында өлкөнүн жогорку жетекчилигинин катышуусу менен республика боюнча өткөрүлөт. Иш-чарага бардык аймактарда мамлекеттик органдардын жана жергиликтүү бийликтин кызматкерлери катышат. Бөлүшүү:
