Кытай менен Казакстан өз ара визалык талаптардан бошотуу боюнча келишимге кол коюшту.
Эки өлкөнүн жарандары башка мамлекеттин аймагында чек арадан өткөн учурдан тартып 30 күндөн ашык эмес жана 180 күндүк мөөнөттө 90 күнгө чейин жүрө алышат.
Визасыз келишимден тышкары дагы жыйырма меморандумга кол коюшту. Алардын арасында маданий борборлорду түзүү ниети жөнүндө меморандум жана эл аралык автотранспорт боюнча келишим бар.
Казакстандын президенти Касым-Жомарт Токаев мамлекеттик сапар менен Кытайга барды. Казак лидери Кытай-Борбор Азия саммитине да катышат. Саммит Шэньси провинциясынын борбору Сиань шаарында Си Цзиньпиндин төрагалыгында өтөт.
Садыр Жапаров Кытай төрагасы Си Цзиньпин менен жолугушту
Президент Садыр Жапаров бүгүн, 18-майда, Кытай Эл Республикасына болгон мамлекеттик сапарынын алкагында Сиань шаарында КЭР төрагасы Си Цзиньпин менен жолугушту. Жолугушуунун алдында Садыр Жапаровду Ардактуу кароол ротасы салтанаттуу түрдө тосуп алды. Эки өлкөнүн лидерлери учурашып, Кыргызстан менен Кытайдын мамлекеттик желектеринин алдында сүрөткө түшкөндөн кийин сүйлөшүүлөр залына өтүштү. […]
