2021-жылдын ноябрында ошол кездеги саламаттыкты сактоо министри Алексей Цой Швейцарияга болгон иш сапарынын алкагында Казакстанда онкологиялык дарыларды өндүрүүнү караган стратегиялык өнөктөштүк тууралуу Roche компаниясы менен алкактык келишимге кол койгон. Дары ушул жылдын экинчи жарымында чыгарыла баштаары белгилүү болду.
Ракка каршы дарыларды өндүрүү Алматы фармацевтикалык фабрикасы “Нобель” акционердик коомунун базасында түзүлөт. Мындан тышкары, Pfizer менен Казакстанда да өндүрүлө турган “Превенар-20” пневмококк вакцинасынын долбоору боюнча иштер жүрүп жатат.
Саламаттыкты сактоо министрлигинин маалыматына караганда бул долбоорлорду ишке ашыруу инновациялык жана уникалдуу дары-дармектерди алууга мүмкүндүк берет.
