Израилдин Коргоо армиясы ХАМАСтын палестиналык кыймылынын лидери Яхья Синвардын Газа секторунда жок кылынганын билдирди. Мекеменин маалыматына караганда, Синвардын денеси бейшемби күнү табылып, анын өздүгү ДНК тестинен кийин тастыкталган.
Синвар 2023-жылдын 7-октябрында ХАМАСтын Израилге жасаган чабуулунун негизги уюштуруучусу жана идеологу катары эсептелет. 2017-жылдан бери ал ХАМАСтын Газа секторундагы бөлүмүн жетектеген. 2024-жылдын август айынан баштап, ал ХАМАСтын саясий бюросунун башчысы болгон. Аны Исмаил Ханийя Тегеранда өлтүрүлгөндөн кийин бул кызматка шайлашкан.
Акылбек Жапаров Орусияга иш сапары менен барат
Министрлер кабинетинин төрагасы Акылбек Жапаров үстүбүздөгү жылдын 19-21-октябрь күндөрү Россия Федерациясынын Москва шаарына расмий сапар менен барат. Расмий сапардын жүрүшүндө минкаб төрагасы Акылбек Жапаров Кара-Кыргыз автономдуу облусунун түзүлгөндүгүнүн 100 жылдыгына жана Кыргызстандын Россиядагы Маданият күндөрүн майрамдоого арналган иш-чараларга катышат. Ошондой эле минкаб төрагасы Акылбек Жапаров жана Россия өкмөтүнүн төрагасы Михаил […]
