Израилдин БУУдагы туруктуу өкүлү Гилад Эрдан Израиль менен ХАМАС тобунун ортосундагы согуш кандай шарттарда бүтүшү мүмкүн экенин айтты.
Гилад Эрдан БУУнун Коопсуздук Кеңешинин алдында сүйлөп жатып, согушкерлер куралын таштап, барымтадагыларды бошотуп, багынып беришсе гана согуш ок атпастан бүтүшү мүмкүн деди.
“Эмне үчүн Хамасты ушуга чакырбайсыз? Эмне үчүн бул резолюциянын бөлүгү болгон эмес?”-деди ал.
Израилдин туруктуу өкүлү ошондой эле Коопсуздук Кеңешин ХАМАСты террордук уюм деп жарыялоого чакырды.