Газа тилкесиндеги ХАМАС уюмуна каршы аскердик операциясынын кийинки этабы деңизде, кургакта жана абада болорун Израилдин Коргоо министри Йоав Галант Израилдин деңиз күчтөрүнүн түштүктөгү Ашдод порт шаарындагы базасында сүйлөгөн сөзүндө билдирди.
«Биз кийинки кадамыбызда абада, кургакта жана деңизде көп багыттуу операцияга кылдат даярдануудабыз. Жумушуңарды кылгыла, даярдангыла, силер бизге керек болосуңар»,-деди Галант Ашдоддогу аскерлерге.
Ал Израилдин деңиз күчтөрүнүн Газадагы операциянын мындан аркы жүрүшүндө маанилүү роль ойноорун баса белгиледи.
Соңку кабар