Швециялык футболчу Златан Ибрагимович футболдук карьерасын аяктады. Бул тууралуу ал “Милан менен Верона” беттеши (3:1) аяктагандан кийин күйөрмандар менен коштошуу аземинде билдирди.
“Футбол менен коштошууга убакыт келди. Бирок мен сиздер менен коштошпойм, урматтуу күйөрмандар”, – дейт чабуулчу. Ал ошондой эле үй-бүлөсүнө, оюнчуларына, машыктыруучуларына, кызматкерлерине жана менеджерлерине ыраазычылык билдирди.
Эске салсак, Златан профессионалдык карьерасын 1999-жылы баштаган. Миландан тышкары, Мальмё, Аякс, Ювентус, Интер, Барселона, ПСЖ, Манчестер Юнайтед, Лос-Анджелес Гэлакси клубдарында ойногон. Ал Швеция курамасынын курамында 122 беттеш өткөрүп, 62 гол киргизген – бул командалык рекорд болуп саналат.
