Владимир Зеленский Вашингтондо америкалык коргонуу компанияларынын жетекчилери менен жолугушту. Анда Украинанын аскердик-өнөр жай комплекси жабдууларды жана ок-дарыларды чыгарууну көбөйтүүгө даяр экенин айтып, алардан колдоо сурады.
Зеленский Украина көп ок-дарыларды жана аскердик техникаларды чыгарууга даяр экенин баса белгиледи.
Артиллериялык ок-дарыларды, абадан коргонуу системаларын, артиллериялык жана ракеталык системаларды биргелешип чыгаруу үчүн ири компаниялардын жардамына муктаж экенин кошумчалады.
Зеленский ошондой эле Европада өлкөнүн аймагында жайгаша турган коргонуу борборун түзүү идеясы тууралуу айтты. Бул идеяны ишке ашыруу үчүн украин бийликтери бюрократиялык процедураларды жөнөкөйлөтүүгө даяр экенин баса белгиледи.
