Владимир Зеленский Жогорку Радага көп жарандуулук жөнүндө мыйзам долбоорун сунуштап жатканын айтты. Анда орус жарандарынан башка этникалык украиндерге, ошондой эле Украинанын Куралдуу күчтөрү тарабында согушуп жаткан чет элдик жалданма аскерлерге украин жарандыгын алууга уруксат бере турганын баса белгиледи.
Жогорку Раданын депутаты Мария Мезенцева 2022-жылы украин бийликтери Украинада кош жарандуулукту мыйзамдаштыруу мүмкүнчүлүгүн карап жатканын билдирген. Анын айтымында, Украинада кош жарандуулукка ээ боло албоо өлкөнүн Евробиримдикке мүчөлүгүнө тоскоол болуп калды.
Украинанын Тышкы иштер министри Дмитрий Кулеба 2023-жылдын октябрында Украинада көп жарандыкты киргизүүнү колдой турганын билдирген.
