Украинанын лидери Владимир Зеленский Израилге барууга даярданып жатат. Бул тилектештик визити болот.
ММКлар Зеленскийдин кеңсеси буга чейин Израилдин премьер-министринин кеңсесине визитти координациялоо өтүнүчү менен расмий суроо-талап жибергенин жазышууда. Күнү азырынча макулдашыла элек.
Зеленский ХАМАС менен согуш башталгандан кийин Нетаньяхуга телефон чалган биринчи мамлекет башчыларынын бири болгонун жазышууда.
Киев өткөн жылы Тель-Авивди украин чатагы боюнча бейтарап позициясы үчүн жемелеген.
Израиль Россиянын аскердик операциясын баштаганын айыптап, бирок Украинага аскердик жардам берүүдөн баш тарткан.
