Россиянын Тышкы иштер министрлигинин расмий өкүлү Мария Захарова Украинанын Куралдуу күчтөрү Курск облусундагы жарандык объекттерге кол салуу үчүн, балким, HIMARS ракеталарын колдонгонун билдирди.
Дипломат Глушковский районундагы Сейм дарыясына өтүүчү көпүрөгө болгон чабуулдун натыйжасында ал толугу менен кыйрап калганын эске салды. Ал күнөөлүүлөр «катуу жазага тартыларын» айтты.
16-август, жума күнү, Украинанын Куралдуу күчтөрү Сейм дарыясына өтүүчү көпүрөнү кыйратып, Глушковский районунун бир бөлүгү өтмө жолсуз калды. Курск, Белгород жана Брянск облустарында терроризмге каршы операция режими иштеп жатат.
Лукашенко чек арага Украинанын 120 миң аскери жайгаштырылганын айтты
Беларуссиянын президенти Александр Лукашенко белорус-украин чек арасында абал курч экенин билдирди. Анын айтымында, Украина Куралдуу Күчтөрү өлкөнүн чек араларына өзүнүн аскерлерин топтогон. Лукашенконун баамында, белорус-украин чек арасында 120 миңден ашуун украиналык аскер кызматкерлери жайгаштырылган. Белоруссия да буга жооп катары чек аралардын бою боюнча өзүнүн аскерлеринин санын көбөйткөн. Бөлүшүү:
