Социалдык тармактар аркылуу кыргызстандык мигрант жигит кайрылуу жасап, үй-бүлөсү менен ата-энесинин мандайында отурганды сагынганын айткан. Ал кайрылуусунда Камчыбек Ташиевди мактап, коррупция менен күрөшүүдө тобокелчиликке барып жатканын билдирди.
“Ташиев Кыргызстанды жакырчылыктан чыгарганга жан үрөп жатат. Садыр Жапаров экөө жакшы иштерди алып барышууда. Кыргызстан өнүксүн, биз мынтип, чет жерлерде тентибейли. Камчыбек Ташиев ооруп калдыбы, көрүнбөй калды. Кудай сактасын, эгер керек болсо, боорумду, бөйрөгүмдү же, жүрөгүмдү бергенге даярмын”,- деген ал. Ошондой эле жакырчылыктан аябай тажаганын билдирген.
