Малайзияда жүргүнчүлөрү бар чакан учак трассага кулап, кеминде 10 адам каза болду.
Учактын ичинде сегиз адам болгон. Кырсык болгон учурда унаа жана мотоцикл трассада өтүп бара жаткан. Унаанын айдоочусу менен мотоциклдин айдоочусу да каза болгонун полиция билдирди.
Аба кемеси Ланкави аралынан учуп бара жаткан. Ал радардын экранынан жоголуп кеткен, кийинчерээк полиция учак трассага кулап түшкөнүн билдирген. Кырсыктын себептери азырынча белгисиз.
УЕФА сезондун мыкты оюнчусу наамына талапкерлерди атады
Европанын футбол ассоциацияларынын биримдиги сезондун мыкты оюнчусу жана сезондун мыкты машыктыруучусу номинациялары үчүн кыска тизмелерди жарыялады. Ар бир сыйлыкка үч талапкер кирген. УЕФАнын басма сөз кызматы билдиргендей, тиешелүү сыйлыкка талапкер болгон футболчулардын арасында «Пари Сен-Жермендин» мурдагы оюнчусу Лионель Месси, Эрлинг Холанд жана Кевин Де Брюйне (экөө тең «Манчестер Сити») бар. […]
