Украинанын Закарпат облусунун Ужгород шаардык соту президентти колдогон «Эл кызматчысы» партиясынын Керецкив айылдык кеңешинин депутаты Сергей Батринди камакка алды. Ал 15-декабрда айылдык кеңештин жыйынында үч граната жардырган.
Депутат терактка шектелүүдө. Прокурордун камакка алуу өтүнүчүнө депутат жана жактоочулар каршы эместиги айтылууда.
Жардыруулардын натыйжасында 23 адам, 16 эркек жана жети аял жаракат алган. Алардын бири ооруканада каза болгон. Депутаттын өзү 16-декабрда жандандыруу бөлүмүндө эсине келген. Тергөөчүлөрдүн айтымында, айыпталуучу жетекчиликтин жана башка депутаттардын чечимдерине таасир этүүгө аракет кылган, бирок каалаганына жеткен эмес жана гранаталарды жардырган.
