Судьялар кеңешинин жыйынында Жогорку соттун төрагалыгына Медербек Сатыевдин талапкерлиги каралды. Бул тууралуу Судьялар кеңешинин басма сөз кызматы билдирди.
Судьялар кеңешинин мүчөлөрү бир добуштан Медербек Сатыевдин талапкерлигин колдошту.
«Конституциянын 70-беренесине ылайык, Президент Конституциялык соттун жана Жогорку соттун судьяларынын ичинен Судьялар кеңешинин сунушу боюнча жана Жогорку Кеңештин макулдугу менен Конституциялык соттун жана Жогорку соттун төрагаларын бир мөөнөткө, 5 жылга дайындайт.
Кыргыз Республикасынын Конституциясынын 80-беренесине ылайык, Конституциялык соттун жана Жогорку соттун төрагаларын дайындоого президент тарабынан сунушталган талапкерлерге Жогорку Кеңештин депутаттарынын жалпы санынын кеминде жарымынан ашыгынын добушу керек», — деп басма сөз кызматы билдирди.
